ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 62 ປີ                                                                                                                                                                                                                  ຍິນດີຕ້ອນຮັບເຂົ້າສູ່ເວັບໄຊສ໌ຂອງຄະນະໂຄສະນາອົບຮົມແຂວງໄຊຍະບູລີ                                                                                                                        

ຄະນະໂຄສະນາອົບຮົມແຂວງ ໄຊຍະບູລີ

ເມືອງພຽງ ແຂວງໄຊຍະບູລີ ປິດຊຸດຮຽນທິດສະດີການເມືອງ-ການປົກຄອງ ຂັ້ນຕົ້ນຮຸ່ນທີ V.

........................

ພິທີປິດຊຸດຮຽນທິດສະດີການເມືອງ-ການປົກຄອງຂັ້ນຕົ້ນຮຸ່ນທີ V ເມືອງພຽງ ແຂວງໄຊຍະບູລີ.ໄດ້ຈັດຂຶ້ນໃນວັນທີ 23 ມິຖຸນາ 2022 ຢູ່ທີ່ຫ້ອງປະຊຸມຂອງເມືອງ. ໂດຍການເປັນກຽດເຂົ້າຮ່ວມຂອງ ທ່ານ ເສີດ ແສງສຸລິນ ກຳມະການພັກແຂວງ ເລຂາພັກເມືອງ ເຈົ້າເມືອງໆພຽງ, ມີຕາງໜ້າ ຈາກໂຮງຮຽນການເມືອງ-ການປົກຄອງແຂວງ, ມີບັນດາຮອງເລຂາພັກເມືອງ,ຄະນະປະຈຳພັກເມືອງ, ກຳມະການພັກເມືອງ, ຄະນະອໍານວຍການໂຮງຮຽນ, ຫົວໜ້າ, ຮອງຫົວໜ້າຫ້ອງການ, ອົງການ,ກົມກອງ, ກອງເພື່ອນ,ພ້ອມດ້ວຍຄູ-ອາຈານ ແລະ ນັກສຶກສາເຂົ້າຮ່ວມ.

ໃນພິທີໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດການຮຽນ-ການສອນທິດສະດີການເມືອງແລະການປົກຄອງຂັ້ນຕົ້ນຮຸ່ນທີ V ຂອງເມືອງເຊິງໄດ້ຍົກໃຫ້ເຫັນບັນດາຜົນງານການຈັດຕັ້ງປະຕິບັດການຮຽນ-ການສອນໃນຕະຫຼອດໄລຍະຜ່ານມາ,ສະພາບຄວາມສະດວກແລະຂໍ້ຫຍຸ້ງຍາກ,ຕີລາຄາຄືນໃນການຈັດຕັ້ງການຮຽນການສອນໃນຄັ້ງນີ້.ເຊິ່ງຊຸດຮຽນທິດສະດີການເມືອງ-ການປົກຄອງ ຂັ້ນຕົ້ນ ຮຸ່ນທີ V ຂອງເມືອງພຽງໃນເທື່ອນີ້ ມີຜູ້ເຂົ້າຮຽນທັງໝົດ ຈໍານວນ 50 ສະຫາຍ, ຍິງ 14 ສະຫາຍ; ທີ່ມາຈາກບັນດາຂະແໜງການ,ອົງການ,ກົມກອງອ້ອມຂ້າງເມືອງ ຊຸດຮຽນນໍາໃຊ້ເວລາຮຽນ 3 ເດືອນ, ມີວິຊາຮຽນທັງໝົດ 9 ວິຊາຫຼັກຄື:ວິຊາປັດສະຍາ,ເສດຖະສາດການເມືອງ,ລັດທິສັງຄົມນິຍົມວິທະຍາ ສາດ,ທິດສະດີລັດແລະກົດາຍ,ການເມືອງວິທະຍາ,ຄຸ້ມຄອງເສດຖະກິດ,ການປົກຄອງ,ກໍ່ສ້າງພັກແລະວິຊາຂົນຂວາຍການກໍ່ສ້າງຮາກຖານ,ມີ 455 ຊົ່ວໂມງຮຽນ, 25 ກວ່າໜ່ວຍກິດໄດ້ເລີ່ມຈັດຕັ້ງການຮຽນການສອນເລີ່ມແຕ່ວັນທີ 16 ມີນາ 2022 ຫາວັນທີ 16 ມີ​ຖຸ​ນາ 2022 ຜົນການຈັດຕັ້ງປະຕິບັດການຮຽນການສອນສອບເສັງທຸກວິຊາສາມາດສອບເສັງໄດ້ ຮ້ອຍສ່ວນຮ້ອຍ.ຄະແນນສະເລ່ຍສາມາດຈັດປະເພດໄດ້ເກດ B+ ຈຳນວນ 50 ທ່ານ ຍິງ 14 ທ່ານ ຜ່ານການຈັດຕັ້ງປະຕິບັດການຮຽນ-ການສອນ ຍ້ອນນັກສຶກສາໄດ້ເອົາໃຈໃສ່ຕໍ່ການສຶກສາຮໍ່າຮຽນ, ປະຕິບັດກົດລະບຽບຂອງໂຮງຮຽນໄດ້ດີ, ຕັ້ງໜ້າຝຶກຝົນຫຼໍ່ຫຼອມຕົນເອງ ຈຶ່ງເຮັດໃຫ້ມີນັກສຶກສາຈໍານວນໜຶ່ງໄດ້ກາຍເປັນແບບຢ່າງ ແລະ ເປັນບຸກຄົນດີເດັ່ນຂອງຊຸດຮຽນ ຊຶ່ງສາມາດເລືອກເປັນຕົວເດັ່ນ ໄດ້ຮັບຍ້ອງຍໍຂອງທ່ານເຈົ້າເມືອງຈຳນວນ 50 ສະຫາຍ ຍິງ 14 ສະຫາຍ. ໃນໂອກາດພິທີທີ່ມີຄວາມໝາຍຄວາມສຳຄັນນີ້ທ່ານ ເສີດ ແສງສຸລິນ ກຳມະການພັກແຂວງ ເລຂາພັກເມືອງ ເຈົ້າເມືອງ ໄດ້ໃຫ້ກຽດມອບໃບປະກາສະນີຍະບັດ ໃຫ້ນັກສຶກສາທີ່ຮຽນຈົບໃນຊຸດທິດສະດີການເມືອງການປົກຄອງຂັ້ນຕົ້ນຮຸ່ນທີ V ຂອງເມືອງໃນຄັ້ງນີ້ຢ່າງເປັນທາງການ ແລະ ໄດ້ໃຫ້ກຽດຂຶ້ນມອບໃບຍ້ອງຍໍໃຫ້ກັບຄະນະຊີ້ນຳຂັ້ນແຂວງກໍ່ຄືໂຮງຮຽນທິດສະດີການການເມືອງ-ການປົກຄອງຂັ້ນແຂວງແລະນັກສຶກສາຮໍ່າຮຽນດີ-ມີວິໄນໃນຄັ້ງນີ້ຕື້ມອີກ.ພ້ອມທັງໄດ້ໃຫ້ກຽດໂອ້ລົມຕໍ່ພິທີເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ກັບການຈັດຕັ້ງປະຕິບັດໃນການຮຽນການສອນໃນຄັ້ງນີ້ພ້ອມທັງໄດ້ເນັ້ນໜັກໃຫ້ນັກສຶກສາຈົ່ງໄດ້ພ້ອມກັນນຳບົດຮຽນທີໄດ້ຮ່ຳຮຽນໃນຄັ້ງນີ້ໄປຈັດຕັ້ງປະຕິບັດ ເຂົ້າໃນໜ້າທີວຽກງານຂອງຕົນໃຫ້ໄດ້ຮັບຜົນດີຕາມຄາດໝາຍ.

      ໂດຍ: ແສງສຸດາ ກິ່ງສະຫວັດ.

 

ວີດີໂອ....

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

 

ສະຖິຕິຜູ້ເຂົ້າຊົມ:

110353
ມື້ນີ້ມື້ນີ້19
ມື້ວານນີ້ມື້ວານນີ້42
ອາທິດນີ້ອາທິດນີ້80
ເດືອນນີ້ເດືອນນີ້80
ທັງໝົດທັງໝົດ110353