ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 62 ປີ                                                                                                                                                                                                                  ຍິນດີຕ້ອນຮັບເຂົ້າສູ່ເວັບໄຊສ໌ຂອງຄະນະໂຄສະນາອົບຮົມແຂວງໄຊຍະບູລີ                                                                                                                        

ໂຄສະນາອົບຮົມແຂວງ ໄຊຍະບູລີ

##ຄະນະໂຄສະນາອບຮົມແຂວງໄຊຍະບູລີ ລົງຊຸກຍູ້ວຽກງານຮອບດ້ານຢູ່ 5 ເມືອງໃຕ້##

---------------

 

ວັນທີ 27-30 ​ກັນຍາ 2021 ຜ່ານມານີ້ ທ່ານ ອາເມ ຊົງເຍ້ຽເລັ່ງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງໄຊຍະບູລີ ພ້ອມດ້ວຍທິມງານຂອງແຂວງ ລົງຕິດຕາມກວດກາ, ຊຸກຍູ້ວຽກງານຮອບດ້ານຢູ່ 5 ເມືອງ ຄື: ເມືອງບໍ່ແຕນ, ເມືອງແກ່ນທ້າວ, ເມືອງທົ່ງມີໄຊ, ເມືອງປາກລາຍ ແລະ ເມືອງພຽງ ຫົວໜ້າຄະນະໂຄສະນາອົບຮົມເມືອງຂອງບັນດາເມືອງ ໄດ້ລາຍງານໂດຍຫຍໍ້ ກ່ຽວກັບການຈັດຕັ້ງປະຕິບັດໜ້າທີ່ວຽກງານໃນໄລຍະ 9 ເດືອນຜ່ານມາ  ເຊີ່ງຍົກໃຫ້ເຫັນຜົນສໍາເລັດຫຼາຍດ້ານ ເປັນຕົ້ນແມ່ນວຽກງານໂຄສະນາອົບຮົມການເມືອງ-ແນວຄິດ ນອກຈາກນັ້ນ ທິມງານຂອງແຂວງ ຍັງໄດ້ແລກປ່ຽນບົດຮຽນນໍາບັນດາເມືອງ

ຕອນທ້າຍ ທ່ານ ອາເມ ຊົງເຍ້ຽເລັ່ງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງໄຊຍະບູລີ ພ້ອມທັງຮຽກຮ້ອງມາຍັງຄະນະພັກ, ສະມາຊິກພັກ ແລະ ພະນັກງານ ໃຫ້ເອົາໃຈໃສ່ສືບຕໍ່ສຶກສາອົບຮົມການເມືອງແນວຄິດເປັນກົກ, ໂຄສະນາເຜີຍແຜ່ບັນດາມະຕິ, ຄໍາສັ່ງ, ມູນເຊື້ອ ຂອງຊາດ-ຂອງພັກ ເພື່ອເຮັດໃຫ້ສະມາຊິກພັກ, ພະນັກງານ-ລັດຖະກອນ ບຸກບືນຫ້າວຫັນຕໍ່ການນໍາພາ, ມີແນວຄິດຫຼັກໝັ້ນ, ມີສະຕິລະວັງຕົວ, ມີນໍ້າໃຈຮັກຊາດ, ຮັກລະບອບໃໝ່, ຈໍາແນກມິດສັດຕູ; ພ້ອມທັງຮຽກຮ້ອງມາຍັງສະມາຊິກພັກ, ພະນັກງານ ໃຫ້ເອົາໃຈໃສ່ຝຶກຝົນຫຼໍ່ຫຼອມທາງດ້ານຄຸນທາດການເມືອງ, ຄຸນສິນທໍາປະຕິວັດ ໃຫ້ກາຍເປັນພະນັກງານດີເດັ່ນ ແລະ ມີຄວາມຮັບຜິດຊອບສູງຕໍ່ໜ້າທີ່ວຽກງານ ແລະ ເປັນເຈົ້າການສຶກສາອົບຮົມການເມືອງ-ແນວຄິດ, ຜັນຂະຫຍາຍບັນດາມະຕິ, ຄໍາສັ່ງ, ວັນສໍາຄັນຂອງພັກ, ຂອງຊາດ, ເຫດການທີ່ພົ້ນເດັ່ນທັງພາຍໃນ ແລະ ຕ່າງປະເທດລົງສູ່ຮາກຖານ ພ້ອມທັງສຶກສາອົບຮົມຄວາມຮູ້ພື້ນຖານການເມືອງໃຫ້ເລຂາພັກບ້ານ, ນາຍບ້ານ, ສັງລວມເກັບກໍາສະພາບແນວຄິດ-ຫາງສຽງສັງຄົມ ເພື່ອສະຫຼຸບລາຍງານໃຫ້ທັນກັບເວລາ.

 

ຂຽນໂດຍ: ພອນປະດິດ ກັນທະວົງ

ວີດີໂອ....

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

 

ສະຖິຕິຜູ້ເຂົ້າຊົມ:

123822
ມື້ນີ້ມື້ນີ້93
ມື້ວານນີ້ມື້ວານນີ້157
ອາທິດນີ້ອາທິດນີ້515
ເດືອນນີ້ເດືອນນີ້250
ທັງໝົດທັງໝົດ123822