ໂຄສະນາອົບຮົມແຂວງ ໄຊຍະບູລີ

ລາຍລະອຽດ

ສ້າງຂື້ນເມື່ອ ວັນພຸດ, 20 ຕຸລາ 2021 08:42

ຂຽນໂດຍ ໄພວັນ

##ຄະນະໂຄສະນາອົບຮົມແຂວງໄຊຍະບູລີ##

----------------

ໃນຕອນເຊົ້າ ວັນທີ 20 ຕຸລາ 2021 ທີ່ຫ້ອງປະຊຸມ ຄະນະໂຄສະນາອົບຮົມແຂວງ ໄຊຍະບູລີ ໄດ້ມີ ພິທີ ຈັດຕັ້ງຮໍ່າຮຽນເອກະສານ ອົບຮົມໃຫ້ສະຫາຊົນກ້າວໜ້າຈະຂະຫຍາຍເຂົ້າເປັນສະມາຊິກພັກ ສະເໜີໂດຍ ສະຫາຍ ສົມປະສົງ ໄຊຍະລາດ ຮອງຫົວໜ້າຄະນະໂຄສະນາອົບຮົມແຂວງ ຜູ້ຊີ້ນຳວຽກງານຂະແໜງອົບຮົມ ມີບັນດາພະນັກງານ-ລັດຖະກອນ, ທີ່ມາຈາກບັນດາພະແນກການ ແລະ ລັດວິສາຫະກິດອ້ອມຂ້າງແຂວງເຂົ້າຮ່ວມ 10 ສະຫາຍ, ຍິງ 5 ສະຫາຍ.

 ໃນພິທີດັ່ງກ່າວ ສະຫາຍ ສົມປະສົງ ໄຊຍະລາດຮອງຫົວໜ້າຄະນະໂຄສະນາອົບຮົມແຂວງ  ໄດ້ຍົກໃຫ້ເຫັນບັນດາເນຶ້ອໃນພຶ້ນຖານກ່ຽວກັບພັກປະຊນຊົນປະຕິວັດລາວ ແລະ ກົດລະບຽບພັກປະຊາຊົນປະຕິວັດລາວ ສະໄໝທີ  XI ມີ 14 ໜວດ, 64 ມາດຕາ,  ຈຸດປະສົງ ກໍເພື່ອເຮັດໃຫ້ມະຫາຊົນຜູ້ທີ່ຈະຂະຫຍາຍເຂົ້າເປັນສາມາຊິກພັກຮັບຮູ້, ເຂົ້າໃຈກ່ຽວກັບປະຫວັດ, ຄວາມເປັນມາອຸດົມການ ແລະ ທາດແທ້ຂອງພັກປະຊາຊົນປະຕິວັດລາວ; ເຂົ້າໃຈກ່ຽວກັບມາດຖານ, ເງຶ່ອນມະຫາຊົນຜູ້ທີ່ຈະເຂົ້າເປັນສະມາຊິກພັກ, ຜົນປະໂຫຍດທີ່ສະມາຊິກພັກໄດ້ຮັບ ແລະ ເມື່ອໄດ້ເຂົ້າເປັນສະມາຊິກພັກປະຕິວັດລາວແລ້ວ ຈະປົກປ້ອງບົດບາດ, ກຽດສັກສີຂອງພັກບົນພື້ນຖານຄວາມຮັບຮູ້, ເຂົ້າໃຈດັ່ງກ່າວ ເຮັດໃຫ້ມະຫາຊົນຜູ້ທີ່ຈະຂະຫຍາຍເຂົ້າເປັນສະມາຊິກພັກ ຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ມີມາດຕະຖານ, ເງື່ອນໄຂຄົບຖ້ວນ ແລະ ມີຄວາມຕື່ນຕົວສະໝັກໃຈເຂົ້າເປັນສະມາຊິກພັກປະຊາຊົນປະຕິວັດລາວ .

ໃນ​ຕອນ​ທ້າຍ​ຂອງ​ການ​ຈັດຕັ້ງເອກະສານອົບຮົມ ໃຫ້ມະຫາຊົນຜູ້ທີ່ຈະຂະຫຍາຍເຂົ້າເປັນສາມາຊິກພັກໄດ້​ມີ​ພິ​ທີ​ມອບ​ໃບ​ຢັ້ງ​ຢືນ​ ​ທີ່​ໄດ້​ເຂົ້າ​ຮ່ວມ, ເຊິ່ງ​ໃຫ້​ກຽດ​ມອບ ໂດຍ: ສະຫາຍ ສົມປະສົງ ໄຊຍະລາດ ຮອງຫົວໜ້າຄະນະໂຄສະນາອົບຮົມແຂວງໄຊຍະບູລີ.

ຂຽນໂດຍ: ໄພວັນ ສີດານຸວົງ ຄອຂ.ຊຍ

• < ຕໍ່ໄປ
• ຕໍ່ໄປ >