ໂຄສະນາອົບຮົມແຂວງ ໄຊຍະບູລີ

ສ້າງຂື້ນເມື່ອ ວັນອັງຄານ, 26 ຕຸລາ 2021 08:13
ຂຽນໂດຍ ໄພວັນ

 ##ຄະນະໂຄສະນາອົບຮົມແຂວງ ລົງຊຸກຍູ້ວຽກງານໂຄສະນາອົບຮົມຢູ່ເມືອງໄຊຍະບູລີ##.

...........................

 ໃນວັນທີ 21 ຕຸລາ 2021 ຜ່ານມານີ້ທ່ານ ອາເມຊົງ ເຢຍເລັງ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງພ້ອມດ້ວຍຄະນະໄດ້ລົງຊຸກຍູ້ການຈັດຕັ້ງປະຕິບັດວຽກງານໂຄສະນາອົບຮົມຢູ່ເມືອງໄຊຍະບູລີ

ໃຫ້ການຕ້ອນຮັບໂດຍທ່ານ ບຸນແທນ ທີແກ້ວ ກຳມະການພັກແຂວງ ເລຂາພັກເມືອງ ເຈົ້າເມືອງໄຊຍະບູລີ ພ້ອມດ້ວຍຂະແໜງການກ່ຽວຂ້ອງຂອງເມືອງ, ໃນໂອກາດດຽວກັນນີ້ທ່ານ ບຸນແທນ ທີແກ້ວ ກຳມະການພັກແຂວງ ເລຂາພັກເມືອງ ເຈົ້າເມືອງໄຊຍະບູລີກໍ່ໄດ້ລາຍງານການຈັດຕັ້ງປະຕິບັດວຽກງານຂອງຄະນະໂຄສະນາອົບຮົມໂດຍຫຍໍ້ ເຊີ່ງຕະຫຼອດໄລຍະຜ່ານມາຄະນະບໍລິຫານງານພັກເມືອງແມ່ນໄດ້ເອົາໃສ່ໂຄສະນາປາຖະກະຖາວັນສຳຄັນຂອງຊາດ, ຂອງພັກ, ວັນສຳຄັນຂອງທ່ານຜູ້ນຳ, ວັນສຳຄັນຂອງກຳລັງປະກອບອາວຸດ ແລະ ວັນສຳຄັນຂອງບັນປະເທດເພື່ອນມິດຍຸດທະສາດ ໃຫ້ບັນດາສະມາຊີກພັກ ພະນັກງານ ແລະ ປະຊາຊົນບັນດາເຜົ່າໃນທົ່ວເມືອງ ໄດ້ທັງໝົດ 21 ຄັ້ງ, ມີຜູ້ເຂົ້າຮ່ວມທັງໝົດ 17.628 ເທື່ອຄົນ, ຍິງ 9.756 ເທື່ອຄົນ ໃນນັ້ນສະມາຊິກພັກ 2.173 ເທື່ອສະຫາຍ, ຍິງ 811 ເທື່ອສະຫາຍ, ໄດ້ຈັດຕັ້ງເຊື່ອມຊືມຜົນສຳເລັດກອງປະຊຸມຂັ້ນສູນກາງ, ຂັ້ນແຂວງ ແລະ ຂັ້ນເມືອງ, ເຊື່ອມຊືມມະຕິຄຳສັ່ງ ແລະ ບັນດາລະບຽບກົດໝາຍໃຫ້ບັນດາສະມາຊິກພັກພະນັກງານ ແລະ ປະຊາຊົນບັນດາເຜົ່າໃນທົ່ວເມືອງມີຜູ້ເຂົ້າຮ່ວມທັງໝົດ 53.226 ເທື່ອຄົນ, ຍິງ 24.382 ເທື່ອຄົນ, ໄດ້ເປີດຮຽນທິດສະດີການເມືອງ ແລະ ການປົກຄອງຂັ້ນຕົ້ນໄດ້ທັງໝົດ 4 ຊຸດມີຜູ້ເຂົ້າຮ່ວມຮຽນທັງໝົດ 204 ສະຫາຍ, ຍິງ 69 ສະຫາຍ, ໄດ້ເປີດຊຸດຮຽນທິດສະດີການເມືອງ ແລະ ການປົກຄອງ 10 ວັນ ໃຫ້ເລຂາພັກບ້ານຊຸດທີ 1 ມີຜູ້ເຂົ້າຮ່ວມ 24 ສະຫາຍ, ຍິງ 10 ສະຫາຍ, ໄດ້ຈັດຕັ້ງຊຸດຝຶກອົບຮົມວຽກງານຄົ້ນຄົ້ວສັງລວມ ແລະ ຫາງສຽງສັງຄົມໃຫ້ບັນດາຫົວໜ້າຫ້ອງການ, ອົງການ, ກົມກອງ, ເລຂາຄະນະພັກຮາກຖານກຸ່ມບ້ານ, ບ້ານໃຫ່ຍພັດທະນາ, ເລຂາໜ່ວຍພັກບ້ານເທດສະບານໄດ້ 2 ຄັ້ງມີຜູ້ເຂົ້າຮ່ວມທັງໝົດ 122 ທ່ານ, ຍິງ 47 ທ່ານ, ຈາກນັ້ນທາງທີມງານຄະນະໂຄສະນາອົບຮົມແຂວງກໍ່ໄດ້ລົງຢ້ຽມຢາມ ແລະ ເຮັດວຽກດ້ານວິຊາການຢູ່ຫ້ອງການຄະນະໂຄສະນາອົບຮົມເມືອງໄຊຍະບູລີຕື່ມອີກ

.................

ຂ່າວ-ພາບ: ສົມພົງ ສີສະຫວັດ